الدفان بقلم الأديب المبدع عبد الستار الزهيري

الدفان
 بقلم : الاديب عبد الستار الزهيري العراق
 أريد أسأل شگد صار عندك يادفان
 تعد العدد الاف
 لو بعد تشعر الكاس ما مليان
 شوكت يحسون وشوكت ينگلعون
 ملاعين الزمان
 الدماية بالشوراع ولا ينهز شارب
 ولا غيرة فلتان
 يا رب الشعور والأحساس
 هلبت تناولهم
 ترى كاسهم من زمان فرغان
 الوكت اليوم مال
 والجثث تعبت
الدفان بالنهار نزف طيور
 وبالليل ندفن بلا حسبان
 الناصرية أمس
 ودعت زينة الشبان
 وبعدها النجف لمگبرة السلام
 زفت عرسان
 واليوم بغداد تشاطر الأخوان
 على السنك وبالخلاني سقطوا هواي شبان
 والك اليوم بعثو الجثث يا دفان
بهداي من تنزلهم
 فدوة لعيونك بعدهم شبان
 وصي التراب عليهم
 تراهم زفة عرسان
چانوا البارحة بالتحرير
 يتبخترون چنهم الغزلان
 يا رب المگابر ..
 يا رب الأموات ..
 هون على ولدنا
ووصي بيهم التربان
 يارب كافي ودوس على روس الغربان
أريد أسال ها وصل عندك العدد الفان
 يمكن تعدى الرقم وسال الدم بلا حسبان
 رد بساع وگول يادفان
 ترى فگدنا الصبر
 وحتى الليل علينا حزنان
نامت عيون المنايا
 وما نامت عيون
 أم أبنها بين ايد الدفان